ЗАВРШИ ШЕСТОНОЕМВРИСКИОТ ТУРНИР ВО МАЛ ФУДБАЛ

Изминатите три недели под покровителство на ЕЛС општина Радовиш а во организација на ФК „Бунарџик“, граѓаните на општина Радовиш во спортската сала СРЦ 25 Мај, имаа можност да уживаат во уметноста на малиот фудбал.

Оваа година на традиционалниот шестоноемвриски турнир во мал фудбал „Радовиш 2019“ учествуваа вкупно 19 екипи од целата република. Тие најпрво беа поделени во 4 групи играјќи во систем секој со секој, а најдобрите од нив продолжија во елиминационите натпревари.

Вчера 17.11.2019 год., Недела со почеток од 20:00 час. во преполната спортска сала и во прекрасна спортска атмосфера се одиграа финалните натпревари на кои беа постигнати следните резултати:

-Натпревар за третото место :

Милакс Инг. – Гостилница кај Џек 4:2

-Финале :

АЗ Транспорт – Серта 0:5

Првото место на овогодишниот турнир го освои екипата на „Серта“, добивајќи парична награда од 180,000 денари, второ место освои АЗ Транспорт добивајќи парична награда од 90,000 денари. По доделувањето на пехарите беа прогласени и најдобри поединци на турнирот, односно најдобар стрелец, најдобар играч и најдобар голман на турнирот.

Пехарите и вредносните ваучери на најуспешните екипи ги доделија Градоначалникот на општина Радовиш – Герасим Конзулов, членовите на Советот на општина Радовиш – Ристе Спасов и Јован Лукаров и заменик ген.директор на Рудникот Бучим – Николајчо Николов.