ЗАВРШНА ПРОГРАМА ОД МАНИФЕСТАЦИЈАТА „СВ.СПАСО РАДОВИШКИ“

Во текот на вчерашниот ден во организација на Центарот за култура „Ацо Караманов“ беа одржани два прекрасни настани

Најпрво во 19:30 час. во соработка со Друштвото на ликовни уметници „РАДА ДЛУР“ беше отворена ликовната изложба од меѓународната ликовна колонија „Св.Георгија 2019“ на која беа изложени прекрасни слики.

Веднаш потоа со почеток во 20:30 час. на плоштадот „Св.Спасо Радовишки“ се одржа традиционалниот фестивал на староградски песни „Саноќ седам“ на кој покрај домаќините, вокално-инструменталниот состав „Распеани Радовишани“ учествуваа ансамбли и оркестри од општините Струмица, Штип, Гевгелија, Валандово и Велес, како и вокално-инструменталната група „Еделвајс“ од Ќустендил, Р.Бугарија.