НАСЕЛЕНИТЕ МЕСТА ВОИСЛАВЦИ И КАЛУЃЕРИЦА ЌЕ ДОБИЈАТ ФЕКАЛНА КАНАЛИЗАЦИОНА МРЕЖА

Најавата за отпочнувањето на реализација на овој проект со задоволство ја дочекаа жителите на населеното место Воиславци кое целосно ќе биде опфатено и конечно ќе биде решен овој долгогодишен проблем во ова населено место.

Министерството за транспорт и врски го објави тендерот за изградба  на локален канализационен систем во село Воиславци, кој според објавената јавна набавка изградбата на канализациониот систем е планирано да започне во текот на месец Септември.

За успешно спроведување и реализирање на овој капитален проект од страна на општина Радовиш за рекордно кратко време беа завршени изготвувањето на проектната документација, експропријацијата, и издадена дозвола за градба. Исто така да напоменеме дека до крајот на месец Јули ќе биде објавен тендерот за изведба на канализацијата во село Калуѓерица, со што и оваа населено место и неговите жители конечно ќе го решат долгорочниот и најголем проблем за оваа населено место.

Ова се два големи и капитални проекти за нашата општина, проекти кој долго време се очекувани од жителите на Воиславци и Калуѓерица и се надевам дека сите активности ќе се одвиваат според планираното – рече градоначалникот Николов. Со решавање на овие два капитални проекти општина Радовиш докажува дека цврсто чекори кон зацртаната цел – од Радовиш и неговите населени места да направи модерни и урбани уредени средини кој ќе ги задоволуват потребите на населениото.