ПОПЛОЧУВАЊЕ СО БЕКАТОН НА 2785 м2 НА ПОВЕЌЕ ЛОКАЦИИ ВО ОПШТИНАТА

Деновиве во финална фаза влегуваат градежните работи со кои ќе бидат поплочени со бекатон вкупно 2785м2. Се поплочуваат површини во населено место Злеово, во село Коџалија и во градот на улицата „Илија Алексов“. Вкупната вредност на инвестицијата е 3.385.689 денари од Буџетот на општина Радовиш.

Изведувач на градежните работи е фирмата ,,Техноинженеринг“, а надзор е фирмата„Зум надзор“. Во населените места Злеово и Коџалија веќе се завршени градежните активности, се довршува поплочувањето во градот.