СОВЕТОТ НА ОПШТИНА РАДОВИШ ЈА ОДРЖА III СЕДНИЦА

Советот на општина Радовиш денес ја одржа третата седница. Седницата ја водеше Претседателот на Советот Коле Чаракчиев, а се работеше со однапред донесен дневен ред од 49 точки.

Од страна на советниците до Градоначалникот Герасим Конзулов беа поставени повеќе прашања на кој даде одговор самиот градоначалник Конзулов и дел од раководните лица од општина Радовиш.

На почетокот седницата ја напуштија Советниците од Коалицијата предводена од ВМРО-ДПМНЕ во знак на револт за притворените лица за настаните од 27 април во Собранието на Македонија.

На оваа седница беа разгледувани предлог програмите и оперативните планови за работа во 2018 година, се разгледуваа и програмите за работа на општинските установи и образовните институции од општината.

На крајот беа разгледани и усвоени извештаите на постојаните комисии на Советот на општина Радовиш.