СПЕКТАКУЛАРЕН КОНЦЕРТ НА ЈОРДАН МИТЕВ ВО РАДОВИШ

Радовишката фолк звезда Јордан Митев во преполната спортска сала ,,25 Мај,, одржа спектакуларен концерт во Радовиш, гости на вечерта беа играорците од ансамблот на ММД ,,Никола Карев,, од Мелбурн-Австралија и ФА ,,Китка,, од Ораовица и бендот ,,Маестрал,,.

Влезот беше слободен, а генерален покровител на концертот беше општина Радовиш и  Градоначалникот Сашко Николов.

Освен во Радовиш, Јордан Митев ќе одржи концерт и во Охрид кој е планиран на 10 јули на летната тераса на хотел ,,Престол,, заедно со бендот ,,Маестрал,, а се размислува летни концерти да одржи и во други градови.

Иницијативата за ваква концертна турнеја во Македонија доаѓа по настапите на Митев во Австралија каде  беше придржуван од македонските играорци од Мелбурн, па спојот на македонската песна и оро сака да ги презентира и пред македонската публика.