ХУМАНИТАРНА АКЦИЈА ВО ДОНИРАЊЕ ПРЕХРАМБЕНИ ПАКЕТИ НА СОЦИЈАЛНО ЗАГРОЗЕНИТЕ СЕМЕЈСТВА ОД ОПШТИНА РАДОВИШ

Подготвувајки се за празникот на љубовта и мирот, денот кога се слави Христовото раѓање, каде што овој голем христијански празник е можност да се собере семејството, да се обноват старите пријателства и луѓето да се потсетат на вистинските вредности.

По тој повод Градоначалникот на општина Радовиш Сашко Николов во соработка со невладиниот сектор ЗГ “Развој-Иднина“ и компаниите, организираше хуманитарна акција во делење на 80 прехрамбени пакети на социјално загрозените семејства во општина Радовиш.

Со оваа мало внимание укажуваме дека социјалните категории не се заборавени од општеството и искрено се надевам дека нивната материјална состојба ќе се подобри, овие фамилии заслужуваат ваква помош и внимание и се надеваме дека ке помогнеме да и тие го почувствуваат празничниот амбиент – истакна Градоначалникот на општина Радовиш, Сашко Николов, кој воедно им ги честиташе престојните Божиќни празници.

Голема благодарност до компаниите кои ја потпомогнаа акцијата:  “Маком Треф Плус“, “Бест фуд“,  “Млекара Ѓоргиеви“, “Кам маркет“, “Пакет маркети“, “Конкорд“, “Фото Са-ра“,  “Јока“, “Кожувчанка“, “ГП Техника“, “ГП Бино“,“ГП Градба-Т“ , “Геом-компани“, “Геодет-Драги“ и “Фунги флора“.