РАБОТНА ПОСЕТА НА ОПШТИНА КОНЧЕ

Градоначалникот на општина Радовиш Герасим Конзулов заедно со Претседателот на Советот Коле Чаракчиев денес имаа работна посета и средба во општина Конче.
На оваа средба со Градоначалникот на општина Конче Благој Илиев имаа разговори и размена на информации околу идните заеднички активности и проекти кои треба да се реализираат помеѓу овие две општини.

Исто така Градоначалникот Конзулов имаше чест да присуствува на прославата на патронот на централното општинско училиште Гоце Делчев од Конче каде што беше проследена академијата приредена од страна на учениците и нивните ментори.

Во склоп на оваа прослава исто така беше организиран и ликовен, и литературен конкурс за учениците, а исто и беше органзиран турнир во мал фудбал помеѓу основните училишта од овие две општини.

На крајот од страна на Директорката на ООУ Гоце Делчев беа доделени наградите и признанијата за најдобрите, како и благодарниците на соработниците и помагателите на оваа основно училиште.