АКТИВНО ЧИСТЕЊЕ НА РЕЧНИТЕ КОРИТА ВО ОПШТИНА РАДОВИШ

Деновиве во завршна фаза е реализацијата на „Акциониот план за чистење на речните корита“ на подрачјето на општина Радовиш со што се превземаат  превентивни мерки во случај на обилни врнежи и евентуално излевање на надојдена вода.

Овие активности се континуирани и се продолжение на оние од месец март 2014 год. кога се започна реализацијата на Акциониот план за чистење на речните корита на подрачјето на општина Радовиш. Со овој план предвидени беа и се реализираше чистењето на дел од речните корита на Ињевска река и Злевска река.

Во завршна фаза од реализација на Акциониот план се одвиваат активности на делницата Злевска река-Радовишка река. Со овој зафат во атарот на с. Злеово ќе се заштитат од поплави околу 50ха обработливи површини и друга инфраструктура (полски патишта, систем за наводнување, рибници и др.)

,,Временските услови одат во прилог на успешно завршување на овие активности кои се од големо значење како за граѓаните така и за целата општина Радовиш,, – рече Градоначалникот Николов