“ВОДА ЗА СИТЕ“ – ПРОЕКТ ЗА УПРАВУВАЊЕ СО СЛИВОТ НА РЕКА СТРУМИЦА
Дата
November 23, 2014
Категорија
Вести
На 20 и 21 Ноември 2014 година во просториите на градската библиотека Браќа Миладиновци во Радовиш, се одржаа 2 работилници на која се дефинираа проблемите и се утврдија приоритети со мерки и активности за одржлив развој на сливот на Радовишка/Стара река (струмички слив), река Струмица.
Работилницата беше организирана од страна на УНДП и СДЦ а подржана од страна на општина Радовиш и градската библиотека Браќа Миладиновци.
На работилницата зедоа учество претставници од месните заедници од општина Радовиш и претставници од граѓанскиот НВО сектор од локално ниво, претставници од општина Радовиш и претставници од различни државни институции и агенции од локално ниво.
Екосистемот на река Радовишка/Стара река (струмички слив), река Струмица има витално значење за луѓето кои живееат во него. Со вкупна површина од 1.649 км/2 сливот опфаќа 7% од територијата на Македонија. Тој обезбедува вода за пиење и наводнување за 124.000 жители, како и живеалишта за огромен број на растенија и животни.
Партнери на проектот се Министерството за животна средина, општините Струмица, Василево, Ново Село, Босилово, Радовиш и Конче, како и Центарот за развој на југоисточен регион.