ВО ЗАВРШНА ФАЗА Е ИЗГРАДБАТА НА СПОРТСКИОТ ТЕРЕН -3 УЗ ВО РАДОВИШ

Реконструкција на спортски терен, партерно уредување и поставување на детско игралиште и урбана опрема во парк населба „Куклевица“

Отпочнати се градежните активности и реализација на проектот кој предвидува доизградба и реконструкција на постоечко спортско и детско игралиште во населба Куклевица со вкупна површина на парцелата од 2733м2.

Во тек се градежните работи, поставена е оградата, се градат трибините, предвидено е асфалтирање на теренот како и комплетни електрични инсталации за осветлување на спортскиот терен на игралиштето со рефлектори. На самата локација ќе бидат поплочени патеки со бекатон, хортикултурно уредување на локацијата, поставување на детски реквизити и урбана опрема.

Изведувач е градежната фирма „Изградба“ ДОО Струмица и ако дозволат временските услови овие активности ќе бидат завршени во најбрз можен рок.

Изградбата на детското игралиште е во близина на две веќе постоечки игралишта и истото ќе биде во функција на жителите од соседните урбани блокови на населбата Куклевица.

Средствата во висина од 4.187.918 денари за реализација на овој проект се обезбедени преку Европска Унија ИПА претпристапни фондови грант средства за рурална инфратруктура, истите се администрирани според правилата на Светска банка, општина Радовиш има сопствено кофинансирање на дел од проектот.