ГРАДЕЖНИ АКТИВНОСТИ ЗА ИЗГРАДБА НА НОВИ КАНАЛИЗАЦИОНИ МРЕЖИ

Општина Радовиш продолжува со интензивните градежни активности за изградба на нови фекални канализациони мрежи.

Имено, во моментов, екипи на фирмата изведувач на работите „Пешо инженеринг“ од Струмица, изведуваат активности за изградба на нова фекална канализациона мрежа во населено место Раклиш.

Вкупната должина на фекалната канализациона мрежa изнесува 600m со почетна стационажа од месноста „Текенлк“, продолжувајќи по течението на река Марлада до мостот на регионалниот пат кон Р-605, и еден секундарен крак со должина од 80m. Реализацијата на проектот предвидува изградба на ПВЦ цевки со профили од Ф250mm и Ф300mm, класа SN8 и 16 ревизиони шахти на фекалната канализација.

Реализацијата на овој проект, за кој општина Радовиш од својот буџет извои 1.350.000 денари, ќе овозможи поврзување на изградените објекти од овој потег на населба Раклиш.
Според предвидената динамика на изведувачот на работите изградбата на фекалната канализациона мрежа ќе заврши до крајот на наредната недела.