ЕНЕРГЕТСКА ЕФИКАСНОСТ-ПРИОРИТЕТ ЗА ОПШТИНА РАДОВИШ

На денешната средба помеѓу Градоначалникот Сашко Николов, директорот на Агенција за енергетика на Република Македонија, претставници од Светска банка и канадската фирма ЕНОНОЛЕР, беа договорени идните чекори за реализација на проектот за со кој општината ќе добие тригодишен план за Енергетска ефикасност, едногодишен акционен план за јавните објекти во општината.

Енергетски ефикасна општина е целта кон која се стремиме-рече Градоначалникот Николов, при што ќе заштедиме ресурси, финансиски средства кои би можеле понатаму да ги вложуваме во различни проекти за развој на општината.

Во вториот дел од состанокот присуствуваа надлежни лица од речиси сите јавни објекти кои се во надлежност на општината и кои беа запознаени со целите и задачите во однос на проектот. Одделението за локален економски развој и одделението за животна средина заеднички ќе соработуваат и ќе ги координираат предвидените активности.

Истотака беа посетени и објекти кои се предмет на проектот.