МАНИФЕСТАЦИЈАТА „САМУН ЕМ ТАТЛИЈА“ ПО ВТОР ПАТ ВО РАДОВИШ
Дата
October 14, 2014
Категорија
ВестиРадовиш повторно домаќин на манифестацијата „Самун ем Татлија“ која е посветена на традиционалните специјалитети кои го отсликуваат Радовиш и кои се симбол на кулинарството на радовишка кујна.
На задоволство на сите граѓани и оваа година под покровителство на општина Радовиш во организација на здружението „Смарт спорт“ посетителите ќе можат да го вкусат радовишкиот сомун и татлија во деновите 17,18 и 19 октомври.
Минатата година бевме сведоци на една прекрасна еднодневна манифестација која по својата организираност и со својот музичко забавен дел но и по посетеноста ги надмина сите очекувања. Затоа оваа година Вашето внимание ќе биде задржано три дена исполнети со богата културно забавна програма:
петок 17-ти – најдобрите музички таленти на Радовиш и за крај на првата вечер голем концерт на македонската поп звезда ЕЛЕНА РИСТЕВСКА;
сабота 18-ти – настап на Распеани Радовишани, Трио Гранде, Бистри Извори со Ванчо Тарабунов, Јордан Митев, УСКА КАН & Сашо Гигов Гиш и Легендите „ХАРИ МАТА ХАРИ“ и
недела 19-ти – Соња Тарчуловска, Елена Велевска, Благица Павловска и Сузана Спасовска и Ритам Бенд.
Градоначалникот Николов и радовишани се убедени во добрата забава а радовишките угостители не го кријат оптимизмот дека годинава очекуваат да ја надминат минатогодишната продажба.
Повелете посетете не на 17,18 и 19 октомври, диетите можат да почекаат.