ОДБЕЛЕЖАН МЕЃУНАРОДНИОТ ДЕН НА ЛИЦАТА СО ПОПРЕЧЕНОСТ И ХЕНДИКЕП

По повод 3-ти декември-„Меѓународниот ден на лицата со попреченост“ и „Лицата со хендикеп“ денес Дневниот центар „Порака“ имаше прием на гости и помагатели на овој Дневен центар.

Во име на Дневниот центар „Порака“ на Општина Радовиш и Гарадоначалникот Герасим Конзулов му беше изразена благодарност за досегашната успешна соработка и разбирање на нивните потреби, а со единствена цел отстранување на сите видови бариери, инклузивност во образованието, развој и поголема достапност на нови сервиси за поддршка на штитениците од овој дневен центар.

На оваа скромна прослава по повод  3-ти декември-„Меѓународниот ден на лицата со попреченост“  од име на Советот беше присутен Претседателот на Советот Коле Чаракчиев, и голем дел од советниците во општинскиот Совет, и Секретарот на општина Радовиш Драги Стојанов.

Во склоп на програмата за одбележување на овој ден свој настап имаа учениците од ООУ „Крсте П. Мисирков„ со дел од театарската претстава „Марта“.

Благодарност од „Порака“ искажаа и до голем број на нивни помагатели од општина Радовиш.