ОДБЕЛЕЖАН СВЕТСКИОТ ДЕН НА ЗДРАВЈЕТО

Денес во ЈЗУ Здравен дом во Радовиш, по повод Светскиот ден на здравјето беше организирана свеченост со кој беше одбележан овој ден, а исто така беа доделени благодарници за голем број на помагатели и соработници. Во продолжение на прославата беше остварен прием за гостите на кој се обрати Директорот Јован Ристов, кој им се заблагодари на сите присутни за досегашната успешна соработка и поддршка која ја дават на ЈЗУ Здравен дом Радовиш.

Повод Светскиот ден на здравјето и здравствените служби, Градоначалникот Сашко Николов беше присутен на свеченоста во ЈЗУ Здравен дом Радовиш, каде што им го честиташе на вработените посакувајки им многу здравје и успешност во работата.
Светскиот ден на здравјето за 2015 година е посветен на безбедноста на храната, со мотото – За безбедна храна, од нива до трпеза.

7-ми април, Светскиот ден на здравјето, е една од најдобрите прилики да се зголеми свеста за глобалните здравствени приоритети. Темата го нагласува значењето на обезбедување на спремноста и прилагоденоста на здравствените капацитети да одговорат на опасностите и да им пружат помош на оние лица кои се дирекно загрозени, како и на околните заедници. Здравствените капацитети ги вклучуваат сите објекти и простории во кои се пружаат здравствените услуги, од високоспецијализираните болници на терциерно ниво, па до здравствените домови на примарни ниво.