ПРСКАЊЕ ПРОТИВ КОМАРЦИ ВО ЈУГОИСТОЧНИОТ ПЛАНСКИ РЕГИОН

Најавеното прво прскање против комарци во Југоисточниот плански регион повторно е одложено.

Од Центарот за развој на Југоисточниот плански регион информираа дека прскањето против комарци ќе се изврши на 1 јули.

– Се известуваат граѓаните на општините Богданци, Босилово, Валандово, Василево, Гевгелија, Дојран, Конче, Ново Село, Радовиш и Струмица дека првото прскање кое беше одложено поради лошите временски услови ќе изврши на 1 јули (недела) во раните утрински часови, односно, во периодот од 4,30 до 9.30 часот, информираа од Центарот за развој на Југоисточниот плански регион.

Од Центарот посочуваат дека доколку временските услови не дозволат да се реализира прскањето, тоа ќе се спроведе на 2 јули во истиот временски период.

Оттаму ги известуваат сопствениците на пчелни семејства да преземат соодветни мерки за заштита, односно да ги затворат во најавениот временски период.

Претходно, прскањето против комарци во овој регион беше најавено за 17 и 27 јуни, но беше одложено поради лошите временски услови.