РАДОВИШ ДОМАЌИН НА ЕВРОПА ВО МАЛО

ДЕВЕТ ДЕЛЕГАЦИИ ОД ПРИЈАТЕЛСКИ ОПШТИНИ СО СТОТИНА СВОИ ПРЕТСТАВНИЦИ ПРИСУСТВУВАА НА ОВОГОДИШНАТА МАНИФЕСТАЦИЈА „САМУН ЕМ ТАТЛИЈА 2016“

По повод одржувањето на 4-тата по ред манифестација “Самун ем’ Tатлија” во Радовиш, беше испратена покана од страна на Градоначалникот на Општина Радовиш, г-дин Сашко Николов, до сите збратимени општини и општини пријатели.

На поканата се одзваа девет збратимени општини и општини пријатели и тоа: Град Белишќе-Република Хрватска, Општина Велика Плана-Република Србија, Општина Чока-Република Србија, Општина Васлуј-Република Романија, Општина Запрудња-Руска Федерација, Општина Дреново-Република Бугарија, Општина Чинарџик-Република Турција, Општина Ташкопур- Република Турција и Општина Ергене-Република Турција.

Во деновите на манифестацијата “Самун ем’ Tатлија” во Радовиш, официјалните делегации од збратимените општини и општините пријатели броеја 96 лица и истите беа примени од страна на Градоначалникот на Општина Радовиш на највисоко ниво. Делегациите, преку претходно подготвена “Power Point” презентација се запознаа со убавините, основните информации, историјата и локалниот развој на Општина Радовиш.

Делегациите присуствуваа на сите пооделно организирани гастрономски и музички настани во текот на 3 дневната манифестација. Во хотел Бел Камен беше организирана заедничка свечена вечера за сите делегации, на која Градоначалникот г- дин Сашко Николов на членовите на делегациите им додели пригодни подароци.

Делегациите, со големи импресии, искажувајки голема благодарност до Градоначалникот на Општина Радовиш, г-дин Сашко Николов, си заминаа во своите општини ветувајки продолжување но и интензивирање на меѓусебната соработка во иднина.