47. СЕДНИЦА НА СОВЕТОТ НА ОПШТИНА РАДОВИШ

Покрај советничките прашања на денешната седница членовите на Советот на општина Радовиш расправаа по 29 точки од дневниот ред.

На ова седица беа усвоени и два важни документа за општината Програмата и акциониот план за енергетска ефикасност на општина Радовиш 2016-2018 год.

Донесена одлука за аплицирање на проекти до Биро за регионален развој, а беа усвоени завршните сметки на образовните институции во општината, општината како и на Центарот за култура „Ацо Караманов“ и Јавното комунално претпријатие „Плаваја“.

Советниците дадоа зелено светло и позитивно мислење за одржување на ученички екскурзии во текот на ова година, за акциониот план за јавни работи како и за распишување на оглас за распределба на средства на здруженија на граѓани.

Седницата заврши со усвојувањето на извештаите од работните тела при Советот на општина Радовиш.