43 КАРАМАНОВИ ПОЕТСКИ СРЕДБИ

И оваа година по 43 пат, под покровителство на општина Радовиш и Министерството за култура на Република Македонија, во деновите 25.11.(Петок), 26.11.(Сабота) и 27.11.(Недела) во организација на Советот на караманови средби при Центарот за култура „Ацо Караманов“ а во соработка со ОНБ „Браќа Миладиновци“ и Друштвото на писатели на Р.Македонија а  ќе биде организирана традиционалната манифестација „КАРАМАНОВИ ПОЕТСКИ СРЕДБИ“.

Предвидена е доста богата Програма во која ќе биде опфатено роднокрајното поетско творештво преку промоција на две книги, ќе биде организиран поетски караван со поетски мозаик, поетски портрети а секако ќе биде доделена и наградата „КАРАМАНОВ 2016“.

И оваа година, манифестацијата има меѓународен карактер бидејќи учество ќе земат реномирани поети од Република Турција, Република Србија, Република Словенија, Република Црна Гора и други, а исто така предвидено е и гостување на поети од збратимените општини на општина Радовиш.