СРЕДБА НА ГРАДОНАЧАЛНИКОТ НИКОЛОВ СО ЗАМЕНИК МИНИСТЕРОТ ЗА ЛОКАЛНА САМОУПРАВА ПРЕНЏОВ

Заменик министерот на локална самоуправа Пренџов оствари средба со градоначалникот Николов

Денеска во посета на општина Радовиш беше заменик министерот за локална самоуправа Љупчо Пренџов кој на средбата со градоначалникот Николов ги презентираше можностите за аплицирање на проекти преку програмата за прекугранична соработка со Република Бугарија. Во моментов има отворен повик за искористување на овие европси фондови и средства и во интерес на локалната самоуправа е да бидат истите искористени.

Градоначалникот Николов истакна дека со заменик министерот разговарале за аплицирање наповеќе проекти меѓу кои целосна реконструкција на кровната конструкција на Детска градинка ,,Ацо Караманов,,, градски плоштад, градски парк и други проекти. Општината се уште е во фаза на размислување и определување на приоритетните проекти за прекугранична програма, а реализацијата на истите ќе зависи и од бугарскиот партнер. ,,Ние како општина сме подготвени со повеќе проекти, односно техничка документација и останува во најбрз можен рок да решиме кои ќе бидат нашите приоритети,,.

Заменик министерот Пренџов изјави дека покрај дискусијата на тема прекугранична соработка и искористување на овие европски фондови, во текот на идната година буџетот на Министерството за локална самоуправа и на Бирото за рурален развој ќе биде двојно поголем и ќе има можности за реализација на повеќе проекти.