ДЕЧИЊАТА ОД ЈОУДГ “АЦО КАРАМАНОВ“ ДОБИЈА НОВО ДЕТСКО РЕКРЕАТИВНО КАТЧЕ

Денес со пригодна свеченост во ЈОУДГ  “Ацо Караманов” во Радовиш беше одбележан почетокот на одбележувањето на “Неделата на детето”. А на задоволство на најмалите беше пуштено во употреба новото “Детско рекреативно катче“ кој е во склоп на оваа градинка.

Дечињата од ЈОУДГ “Ацо Караманов“ – Управна зграда како и од објектот Цветови со свечена програма и приредба се претставија пред присутните гости и Градоначалникот на општина Радовиш г-дин Сашко Николов, по што беше пуштено во употреба оваа ново “Детско рекреативно катче“.

Од име на дечињата и вработените Директорката г-ѓа Љупка Тренчева  се заблагодари на Советот на општина Радовиш и Градоначалникот г-дин Сашко Николов  кој што ја овозможија изградбата на оваа детско рекреативно катче.

За реализација на овој Проект од општинскиот буџет беа издвоени 1 мил. денари.