ПЕНЗИОНЕРИТЕ “СПОРТИСТИ НА ГОДИНАТА” НА ПРИЕМ КАЈ ГРАДОНАЧАЛНИКОТ НИКОЛОВ

Градоначалникот на општина Радовиш г-дин Сашко Николов денес оствари средба со пензионерите – спортисти од Здружението на пензионерите на Радовиш и Конче кои од страна на оваа здружение беа избрани за најуспешни спортисти во 2014 година.

Овие пензионери со приматот “Спортисти за 2014” се стекнаа преку учеството и одличните резултати кои ги постигнаа во изминатата година на спортски план со учеството на регионалните и републичките пензионерски спортски натпревари, а приматот “Спортисти на годината”  го добија Даринка Стојкова, Ѓорги Јованов и Павле Јованов.

На денешната средба Претседателот на Здружението Јордан Костадинов го запозна Градоначалникот Николов со престојните активности и планови кои треба да ги реализира оваа најмасовно здружение во општина Радовиш.

Градоначалникот Сашко Николов им ги честиташе постигнатите успеси, посакувајки им многу здравје и поголеми успеси во 2015 година.