ВТОРА РАБОТИЛНИЦА ЗА ИЗГОТВУВАЊЕ МЕТОДОЛОГИЈА ЗА ПОДДРШКА НА ГРАЃАНСКИ ОРГАНИЗАЦИИ

Вчера во Ресторан Шампион беше одржана работилница во организација на Фондацијата за развој на локалната заедница од Штип  со претставници на oпштина Радовиш, и граѓанските здруженија од Радовиш,  со цел развивање методологија за распределба на средства од општинскиот буџет за поддршка на здруженија.

Работилницата беше втора во циклусот од три работилници преку кои се планира да се заокружи процесот на развивање на методологијата за потоа истата да се предложи до Советот на општината за усвојување.

Овие активности се дел од проектот „Силни граѓански организации за позитивни општествени промени„ поддржан од ЕУ (IPA Civil Society Facility and Media Programme 2015) кој го имплементира Фондацијата за развој на локалната заедница Штип во соработка со партнерите Центар за оддржлив развој – Алка Скопје и Институт за развој на заедницата Тетово.