ГРАДОНАЧАЛНИКОТ НА ПУСТЕЦ – ЕДМОНД ТЕМЕЛКО ВО ПОСЕТА НА РАДОВИШ

Радовиш го посети градоначалникот на македонската општина Пустец во Албанија Едмонд Темелко, каде што оствари средба со Градоначалникот на општина Радовиш Сашко Николов.

 
На оваа средба двајцата градоначалници ја искажаа можноста за поголема соработка меѓу двете општини, а градоначалникот Едмонд Темелко изрази желба дека во наредниот период и Градоначалникот на општина Радовиш Сашко Николов ќе ја посети општина Пустец.
Во рамките на посетата Градоначалникот Едмонд Темелко заедно со Градоначалникот Сашко Николов го посетија Храмот Св. Троица, а беа и на кратка прошетка низ Радовиш.

 
Инаку оваа посета во Македонија на Градоначалникот Едмонд Темелко е заедничка заедно со група од триесетина македонски дечиња со нивните професори кои престојуваат овој викенд и ги посетуваат културно-историските споменици, а од страна на Градоначалникот Сашко Николов тие добија скромни подароци.