ДЕЛЕГАЦИЈА ОД ОПШТИНА РАДОВИШ ВО ПОСЕТА НА ВАСЛУЈ ВО РОМАНИЈА

Во рамките на иницијативата и заедничката желба за збратимување помеѓу Општина Радовиш и Општина Васлуј, а по претходно упатена покана за посета до Градоначалникот на Општина Радовиш, по повод празникот „Пресвета  Богородица“ заштитник на општина Васлуј, од страна на Градоначалникот на Општина Васлуј, Градоначалникот на општина Радовиш испрати делегација од Општина Радовиш.

Делегацијата од Општина Радовиш, оствари неколку работни состаноци со Градоначалникот на општина Васлуј, како и со членови од администрацијата од општина Васлуј, каде што ги пренесе искрениот поздрав и честитка од страна на Градоначалникот на општина Радовиш г-н Сашко Николов и притоа ги дефинираше чекорите на понатамошната соработка посебно во делот на заедничкото искористување на европските фондови, културата и традицијата, спортот, економијата и други сфери од надлежноста на двете општини.

Во рамките на неколкудневната посета делегацијата од општина Радовиш се запозна со карактеристиките и историјата на општина Васлуј учествувајки на сите позначајни оганизирани манифестации.