ДЕЧИЊАТА ОД ПОДАРЕШ И ЗЛЕОВО ЌЕ СЕ РАДУВУВААТ НА НОВИТЕ ДЕТСКИ ИГРАЛИШТА

Општина Радовиш отпочнува со градба на уште две нови детски игралишта и поставување на урбана опрема во паркови во с.Подареш и с.Злеово.

Изградбата на детскиот парк во с.Подареш е веќе отпочната, додека во тек е расчистување на теренот во каде треба да  се изгради детски парк во с.Злеово.

Инвестицијата е вредна 2.256.502,12 денари  обезбедена од буџетот на општината. Избраниот изведувачот е Друштво за градежништво, трговија и услуги Евроградба-Инженеринг Владевци.

Со реализација на ваков тип на проекти се реализираат приоритетите во намалување на разликите помеѓу урбаната и руралните средини. Се имлементираат активностите во обезбедување на подобрување на условите за живот на граѓаните во секој сегмент од нашата општина.

Инвестициите на општина Радовиш поврзани со градба на детски рекреативни катчиња кои се дел од програмата на Градоначалникот Сашко Николов продолжуваат  со изградбата на овие две нови детски катчиња, за потсетување досега се изградени 10 во градот и дел населени места, новите две се дополнување на програмата или вкупно ќе се реализираат 14 катчиња..