ДРЖАВНО ПРВЕНСТВО ВО БОРЕЊЕ ЗА ОСНОВНИТЕ УЧИЛИШТА
Дата
March 31, 2017
Категорија
Вести, СпортВчера, 30.03.2017 год. (Четврток) во организација на Општинскиот сојуз на училишен спорт од Радовиш и Федерацијата на училишен спорт на Република Македонија а со поддршка на Градоначалникот на општина Радовиш, во СРЦ 25 Мај беше одржано Државното првенство во борење за Основните општински училишта.
На државното првенство, учество земаа повеќе од 150 спортисти-борачи од Основните училишта во Република Македонија и предизвикаа огромен инетрес кај љубителите на борењето во општина Радовиш.
Државното првенство свечено беше отворено од Градоначалникот Сашко Николов а на истото беа пристни и Претседателот на Федерацијата на училишен спорт на Република Македонија Г-дин Александар Туфекчиевски, Претседателот и заменик Претседателот на федерацијата на боречки спортови на Македонија Г-дин Бетим Вренези и Г-дин Дејан Богданов како и спортскиот директор Г-дин Страшо Глигоров.
Во однос на резултатите на нашите борачи, беа постигнати следните успеси:
1-во место категорија 85 кг. – Никола Атанасов
2-ро место категорија 53 кг. – Стефан Димитров
2-ро место категорија 59 кг. – Зоран Ристов
2-ро место категорија +85 кг. – Ѓорги Калајџиев
3-то место категорија 35 кг. – Елвин Салиев
3-то место категорија 38 кг. – Мите Јосифов
3-то место категорија 66 кг. – Мартин Костадинов
3-то место категорија 66 кг. – Дарко Тодоров
3-то место категорија 85 кг. – Даниел Петров
3-то место категорија +85 кг. – Волкан Амедов
Се надеваме дека во иднина се повеќе ќе се гордееме на домашни но и на меѓународни успеси на нашите млади таленти-борачи од општина Радовиш.