ЗАВРШИЈА УСПЕШНО ОРГАНИЗИРАНИТЕ „ОТВОРЕНИ ЗАБАВНИ ФУДБАЛСКИ ШКОЛИ“ – РАДОВИШ 2014

Градоначалникот на општина Радовиш Сашко Николов синоќа присуствуваше на завршниот тренинг од овогодишните „Отворени забавни фудбалски школи “ кои по 11-ти пат се одржуваат во нашиот град.

Преку 200 дечиња на возраст од 6-11 години во изминативе четири дена имаа активности со своите тренери и инструктури, забавувајки се преку игра, музика и фудбалски игри на градскиот стадион и повеќенаменскиот спортски терен во Радовиш.

Од страна на Генералниот покровител Градоначалникот Сашко Николов и општина Радовиш, за изминативе четири дена за секое дете беше обезбедена храна и освежителни пијалоци, а исто така секој од нив доби и маичка, капа и гумена наракавица.

Општина Радовиш како генерален покровител на овогодишните „Отворени забавни фудбалски школи “ од буџетот одвои 120 000 ден. за успешно организирање на оваа традиционално масовна спортска манифестација