ЗАВРШИ ИЗГРАДБАТА НА НОВИОТ ДЕТСКИ ПАРК ВО ОРАОВИЦА

Завршено е партерното уредување и поставување на детско игралиште и урбана опрема во парк  с.Ораовица

На радост на децата и задоволство на повозрасните жители деновиве е завршена изградбата на детското игралиште во населеното место Ораовица, ова игралиште е изградено преку Проектот за подобрување на постоечката и изградба на нова инфраструктура во руралните делови на нашата општина.

Изграденото детско игралиште веќе е во функција, а целосно се завршени сите предвидени активности околу партерното уредување и поставување на детските играчки и урбаната опрема на површина од околу 450 м2. Завршено е и поплочувањето и хортикултурното уредување на целото игралиште.

Општината преку реализацијата на овој проект влијае на намалување на разликите помеѓу урбаните и руралните средини.

Сумата за изградба на овија детски парк е околу 2,5 милиони денари и е обезбедена преку ИПА грант програмата за рурален развој.