ЗАВРШНА ФАЗА ОД ИЗГРАДБАТА НА СПОРТСКОТО ИГРАЛИШТЕ И ДЕТСКОТО КАТЧЕ ВО ТРЕТАТА УРБАНА ЗАЕДНИЦА

Жителите на населба „Куклевица“ претстојните пролетни денови имаат можност да ги поминуваат и да уживаат во новата содржина во ова населба-спортското игралиште и детското катче.

Имено во текот на денешниот ден фирмата изведувач „Изградба“ ДОО Струмица ги постави детските реквизити: лулашки, клацкални, тобоган за лизгање.

Претходно на локацијата беше поставена оградата, се изградија трибините, се заврши со асфалтирање на теренот и беа поставени комплетни електрични инсталации за осветлување на спортскиот терен на игралиштето со рефлектори.

Истотака се финализираат активностите околу белењето на ѕидовите и хортикултурно уредување на просторот кој е со вкупна површина од 2733 м2.

Средствата во висина од 4.187.918 денари за реализација на овој проект се обезбедени преку Европска Унија ИПА претпристапни фондови грант средства за рурална инфратруктура, истите се администрирани според правилата на Светска банка, општина Радовиш има сопствено кофинансирање на дел од проектот.