ИЗВЕСТУВАЊЕ ЗА МАНИФЕСТАЦИЈА „СВ.СПАСО РАДОВИШКИ“

Традиционално и оваа година, под покровителство на Градоначалникот и Советот на општина Радовиш, а во организација на Центарот за култура „Ацо Караманов“ и Македонската православна црква, Брегалничка епархија-Храм Св.Троица, општина Радовиш ќе го одбележи чествувањето на патронот и заштитник на градот – Св.Спасо Радовишки.

Манифестацијата, со која го продолжуваме одбележувањето на јубилејот „1000 години Радовиш“ ќе се одржи во деновите од 19-ти до 21-ви Август во два програмски делови, првиот – црковен и духовен, а вториот од културно-забавен карактер.

Со Божјата милост и славата на светителот Св.Спасо Радовишки да ја продолжиме традицијата на чествување, и со неговите молитви да ги негуваме добрите души.