ИНТЕНЗИВНИ ГРАДЕЖНИ АКТИВНОСТИ ЗА ИЗГРАДБА НА УЛИЦА ВО КАЛУЃЕРИЦА

„Општина Радовиш влегува во интензивна пролетна инфраструктурна офанзива. Се реализираат приоритетни проекти кои се отпочнати, а со доаѓањето на пролетта и подобрувањето на временската состојба очекувам отпочнување на повеќе нови проекти во поголем дел од населените места, како и успешно завршување на веќе отпочнатите во предвидениот временски рок.“- рече градоначалникот Сашко Николов.

Еден од нив е веќе започнатата изградба на улица во населено место Калуѓерица каде деновиве со одвиваат градежни активности односно земјените работи и се подготвува улицата за тампонирање и асфалтирање на истата, претходно ќе бидат поставени ивичњаци на тротоарната површина.

Улицата е во должина од 565 метри, тротоари од 1,5 м и предвидено е поставување на асфалтен слој од 5 см. Изведувач на работите е фирмата „Евтимов“ ДОО-Радовиш која има рок до крајот на месец април да ја заврши изградбата.

Средствата за ова инфраструктурна инвестиција се обезбедени од Буџетот на локалната самоуправа и изнесуваат 8.183.868 денари. Овој проект е еден од многуте со кој не само што се подобрува локалната патна инфраструктура, туку и се влијае на подобрување на квалитетот на животот на сите граѓани во нашата општина, намалување на разликите во условите за живот во урбаната и руралните средини, а особено на жителите на населеното место Калуѓерица.