КОНЦЕРТ НА ЈОРДАН МИТЕВ ВО РАДОВИШ

Вторник 08 јули со почеток од 20.00 часот во Срц ,,25 Мај,, во Радовиш, фолк пејачот Јордан Митев заедно со ансамблот на ММД ,,Никола Карев,, од Мелбурн – Австралија ќе одржи концерт.

Во спортската сала каде освен гостите од Мелбурн-Австралија ќе настапат и играорците од ФА ,,Китка,, од Ораовица. Влезот ќе биде слободен.

Генерален покровител на концертот е Општина Радовиш.

Освен во Радовиш, Јордан Митев ќе одржи концерт и во Охрид кој е планиран на 10 јули на летната тераса на хотел ,,Престол,, заедно со бендот ,,Маестрал,, а се размислува летни концерти да одржи и во други градови.

Иницијативата за ваква концертна турнеја во Македонија доаѓа по настапите на Митев во Австралија каде  беше придржуван од македонските играорци од Мелбурн, па спојот на македонската песна и оро сака да ги презентира и пред македонската публика.