МЕЃУНАРОДНА РАДОВИШКА ЛИКОВНА КОЛОНИЈА 2016

Почнувајќи од 5 ти Септември, под покровителство на Градоначалникот на Општина Радовиш г-дин Сашко Николов, и Советот на општина Радовиш во манастирскиот комплекс Св.Ѓорѓи во с.Ораовица, Друштвото на ликовни уметници од Радовиш РАДА организира меѓународна радовишка ликовна колонија.

Свеченото отварање ќе биде во 18:00 час. а колонијата ќе биде отворена до 11 ти Септември кога е предвидено нејзиното затварање, при што сликите ќе бидат изложени за време на празнувањето на денот на ослободувањето 6 ти Ноември.

На оваа меѓународна колонија активно учество ќе имаат 13 учесници од кои покрај сликарите од Македонија, ќе учествуваат и сликари од Шведска, Бугарија и Монголија.