„МОМЕНТИ НИЗ ФОКУСОТ“ – ИЗЛОЖБА НА ФОТОГРАФИИ

Вечерва во центарот за култура „Ацо Караманов“ беше отоворена Изложбата на фотографии со наслов „Моменти низ фокусот“ на фотографот Васе Здравков.

Изложбата е во пресрет на овогодишната манифестација „Самун ем Татлија“ , а преку оваа изложба беа претставени фотографии од поднебјето на „Радовиш и радовишко“ со негување на традицијата и гурманските специјалитети на нашиот Радовиш – Самунот и татлијата.

Гостите имаа можност да погледнат исто така обработени историски фотографии од приготвување на традиционалниот специјалитет Самунот и татлијата низ децениите назад.

Изложбата ќе биде отворена за посетителите и во текот на наредните денови. Помагатели на оваа изложбата: Општина Радовиш, Центар за култура „Ацо Караманов“, Библиотека „Браќа Миладиновци“, Интер фото од Штип и Книжара Со-Ни.