НАЈАВА НА ХРИСТОВОТО РАЃАЊЕ – КОЛЕДАРСКА ЛИТИЈА

Нема поубав ден од тој што ќе ви започне со прекрасна Коледарска песна од милите, искрени и чисти детски срца.  Ден кога целото семејство е собрано на празнична трпеза , кога сите среќни се во исчекување на денот на Христовото раѓање. Ден кога топлината на семејната атмосфера ви ги исполнува и грее душите.

Во пресрет на Христовото раѓање денес на плоштадот „Св. Спасо Радовишки“ дечињата од црковното хорче  пристигнаа со Бадникова литија носејќи ја пештерата која го претставува Христовото раѓање во Витлеемската пештера, тие имаа настап со стари коледарски византиска песни. Возбуда, радост и детски насмевски, преовладуваа насекаде.

На плоштадот топол пречек им приредија Градоначалникот Сашко Николов и Претседателот на Советот Никола Миовски кои на сите дечиња им подарија божиќни пакетчиња.

Денес е Бадник, утре е Божиќ. Радост и убава мисла за уште поубава година. Денови кои се поминуваат со семејството, со најблиските, денови на радост и убави мисли.

Нека е за многу години Бадник !  Да го прославите во мир, здравје ,среќа и хармонија…  Амин !