НОВО ОСВЕТЛУВАЊЕ НА ПОВЕЌЕНАМЕНСКОТО ИГРАЛИШТЕ ВО ВОИСЛАВЦИ

Граѓаните на Воиславци на своето повеќенаменско игралиште кое беше изградено минатата година добија ново професионално осветлување според сите стандарди.

Тие на вечерашната средба со Градоначалникот Сашко Николов искажаа голема благодарност до него што ветеното го остварува за краток временски период.  Се гледаше огромно задоволство на нивните лица посебно на најмладите, кои  што со оваа осветлување ќе имаат можност да спортуваат и во вечерните часови.

Покрај овој веќе реализиран проект Градоначалникот Николов им даде ветување дека во најскоро време ќе биде изграден и пуштен во употреба новиот детски парк,  а во наредната 2015 година, ќе отпочне реализацијата на проектот за изградба и докомплетирање на канализационата мрежа во Воиславци.

Деновиве осветлување на повеќенаменските игралишта ќе добијат и жителите од  Јаргулица, Злеово и Калуѓерица.