ОДБЕЛЕЖАНИ 75 ГОДИНИ ОД СМРТТА НА ДЕДО ДАНЕ ТРАЈКОВ

Вчера 07.07.2019 год.(Недела), со почеток во 10:00 час., со положување на свежо цвеќе од страна на неколку делегации, на спомен обележјето на планината Плачковица беше одбележана 75 годишнината од смртта на Дедо Дане Трајков.

Дедо Дане Трајков е еден од најзаслужните лица за успешната здравствена заштита на борците од четвртата Македонска ударна бригада, којашто дејствувала на планината Плачковица. Тој храбро ги чувал и лекувал ранетите и болните борци, се грижел за нивната безбедност и редовно ги снабдувал со потребните лекарства. Работејќи несебично и пожртвувано, Дедо Дане Трајков за жал не дочекувајќи ја слободата, во јуни 1944 година, бил фатен од фашистите и бил стрелан во близина на селото Козбунар, непосредно до неговата родна Шипковица.

Во име на ЕЛС општина Радовиш, свежо цвеќе положија Градоначалникот на општина Радовиш, Герасим Конзулов и Претседателот на Советот на општина Радовиш, Коле Чаракчиев.