ОДБЕЛЕЖАН МЕЃУНАРОДНИОТ ДЕН НА ЛИЦАТА СО ПОПРЕЧЕНОСТ И ХЕНДИКЕП

Градоначалникот Сашко Николов по повод 3-ти декември-„Меѓународниот ден на лицата со попреченост“ и „Лицата со хендикеп“ денес го посети Здружението „Мобилност“, Здружението на трудови инвалиди од Радовиш и Дневниот центар „Порака“.
Знаеме дека секогаш постојат проблеми и предизвици со кои се соочуваат овие лица – тие се системски и долготрајни и бараат мобилизираност на сите чинители во општеството. Отстранување на сите видови бариери, инклузивност во образованието, развој и поголема достапност на нови сервиси за поддршка, подигнување на капацитетот на сите институции, и поголема вклученост во општеството на овие лица се целите со кои треба да се справуваме во иднина, а со еднствена цел и овие лица да не бидат запоставени и заборавени од општеството. Ние како општина Радовиш секогаш во рамките на своите можности ќе им помагаме на овие здруженија и нивните членови –истакна Градоначалникот Сашко Николов.

Од страна на членовите од овие три здруженија од Радовиш на Градоначалникот Сашко Николов му беше изразена благодарност за досегашната успешна соработка и разбирање на нивните потреби, а Здружението „Мобилност“ и Здружението на трудови инвалиди од Радовиш му искажаа посебна благодарност за отстапените работни простории во спортската сала.