ОДРЖАНА 45 СЕДНИЦА НА СОВЕТОТ НА ОПШТИНА РАДОВИШ

 Советот на општина Радовиш денес ја одржа својата 45 редовна седница. На оваа седница заседаваше Претседателот на Советот Никола Миовски, а се работеше со однапред донесен дневен ред од 12 точки.

Овде беа разгледувани и усвоени Програмата за спроведување на општи мерки за заштита на населението од заразни болести на територијата на општина Радовиш 2016 год., а исто така беше донесена одлука за соработка и учество со заеднички проект со бугарската општина Хаџидимово на прекуграничната програма како и донесена Одлука за распишување на оглас за доделување на финансиски средства на спортски организации за 2016 година.

Во склоп на седницата беа разгледани и другите точки од дневниот ред, а беа усвоени и извештаите од работните тела на Советот.