ОДРЖАН ТРАДИЦИОНАЛНИОТ ТУРНИР ВО БАСКЕТ „STREETBALL 3×3 2019“

Изминатите две недели под покровителство на ЕЛС општина Радовиш а во организација на Здружението „БАСКЕТ СПОРТ“, граѓаните на општина Радовиш на игралиштето во склоп на ООУ „Никола Карев“, имаа можност да уживаат во уметноста на уличниот баскет.

На традиционалниот турнир во баскет попознат како „STREETBALL 3X3 Радовиш 2019“ учествуваа вкупно 16 екипи поделени во 3 групи (категории): од VII до IX одделение, гимназија и категоријата – Сениори.

Во неделата со почеток од 19:00 час. во прекрасна спортска атмосфера се одиграа финалните натпревари на кои беа постигнати следните резултати :

Категорија VII – IX одд. :

Прво место – WARRIORS

Второ место – GOLDEN BOYS

Категорија ГИМНАЗИЈА :

Прво место – СЛОГА

Второ место – МАРТИНА ПРОМЕТ

Категорија СЕНИОРИ :

Прво место – ПАРТИЗАН-ГЕВГЕЛИЈА

Второ место – DOWNTOWN

Дел од атракцијата беше и организирањето на фрлање на „тројки“ а за најдобар поединец на турнирот беше прогласен Тодор Божинов од екипата од Гевгелија.

Пехарите, медалите и вредносните ваучери на најуспешните екипи ги додели Градоначалникот на Општина Радовиш, Герасим Конзулов.