ООУ КРСТЕ П. МИСИРКОВ СО НОВА БИБЛИОТЕКА
Дата
June 17, 2015
Категорија
Вести, Реализирани Проекти
Основното општинско училиште „Крсте Петков Мисирков“ доби нов простор за едукација и развој на образовниот процес.
Имено станува збор за новата училишна библиотека, деновиве беше отпочната монтиражата и средувањето на просторот на библиотеката која се очекува да биде комплетно опремена со книги и лектири кои се дел од образовниот процес на учениците од ова училиште.
Овој проект успешно се реализира благодарение на заложбите на Градоначалникот на општината Сашко Николов и советникот во Советот на општина Радовиш Енис Омер кои стапија во контакт со претставници на донаторот Технички факултет „Ѕвезда“ од градот Истанбул.
Донацијата е во вредност околу 20.000 евра. Ова соработка е остварена пред два месеци и истата ќе продолжи преку донирање на книги за потребите на училишната библиотека. Се очекува соработката да продолжи и на други проекти во делот на образованието како посети , организирање екскурзии, размена на искуства и слично.