ОПШТИНСКИ АКТИВНОСТИ ЗА БЕЗБЕДЕН СООБРАЌАЈ

Општинските служби пред почетокот на новата учебна година започнаа со активно одбележување на хоризонталната сигнализација пред се поради зголемена безбедност на учесниците во сообраќајот,а особено сега од први септември кога учениците од основните училишта и од средното општинско училиште ја започнуваат новата учебна година.

Се обележуваат пешачките премини на сите главни, но и споредни сообраќајници и секаде каде што има потреба во градската улична мрежа. Ова активност ќе се одвива континуирано во текот на месец септември и затоа се замолуваат сите учесници во сообраќајот да имаат трпение кога ќе наидат на ваква активност.

Покрај обележувањето на хоризонталната сигнализација редовно се води грижа и за вертикалната сигнализација која најчесто е цел на лица кои несовесно се однесуваат кон заедничкото добро односно ги изместуваат или откорнуваат сообраќајните знаци.