ПОКРАЈЧЕВО ДОБИВА УШТЕ ЕДЕН ЗНАЧАЕН ПРОЕКТ – НОВА УЛИЦА ВО ДОЛЖИНА 570 МЕТРИ

Општина Радовиш во континуитет продолжува со реализација на проекти за подобрување на животните услови на граѓаните во сите населени места па така деновиве активно се одвиваат градежните активности за изградба на улица во село Покрајчево. Улицата е во должина од 570 метри и чини 4 милиони денари кои се обезбедени од буџетот на Локалната самоуправа.

„Во ова населено место беа реализирани неколку значајни проекти во времето на мојот мандат и тоа беше изградена нова училишна зграда, во делот на патната инфраструктура поврзано селото Покрајчево со с.Злеово овој патен правец беше асфалтиран, и откако ќе биде завршена ова улица, ние како локална самоуправа планираме изградба на парк оплеменет со детски реквизити, со еден збор сме доследни на она што го ветивме во програмата. Јас сум особено горд и задоволен што успеавме како локална самоуправа да ги заокружиме ветените проекти во ова населено место.“ рече градоначалникот Николов.