ПОКРАЈЧЕВО СО НОВА АСФАЛТИРАНА УЛИЦА

Деновиве жителите на село Покрајчево се сведоци на реализација на уште еден ветен проект од страна на градоначалникот на општина Радовиш Сашко Николов, именно станува збор за асфалтирање на улица во селото во должина од 237 метри, ширина од 3,5 метри и дебелина на асфалтот од 8 см.

Асфалтирањето е завршено, а во моментов се работи на изградба на тротоари на улицата и поставување на ивичњаци. Изведувач е фирмата „Универзал Градба“, а надзор е фирмата „Геинг“. Сумата за изградба од 1,5 мил. Денари е издвоена од буџетот на општина Радовиш.