ППК РАДОВИШ ВЛЕГУВА ВО СУПЕР ЛИГА

Историски успех на нашите пингпонгари по победата над Пелистер и Дебар Маало

Со победата над ППК „Пелистер“ и ППК „Дебар Маало“ во 12-то И 13-то коло на Првата Лига на Македонија нашите пингпонгари го заверија пласманот во Супер Лигата и најдобрите осум клуба во државата.

Во првиот натпревар нашите натпреварувачи забележаа победа од 4:0 а во втората средба забележаа победа од 4:1. За нашиот клуб настапија: Милчо Чачаров, Гоце Димоски и Венко Стојанов. Досега единствен играч без пораз во Првата Лига е Гоце Димоски со 16 победи и изгубени само 2 сета во овие натпревари, а на втората позиција во топ 10 рангирањето во оваа лига е Венко Стојанов со 17 победи и само 2 порази.

Последното коло кое нашите натпреварувачи ќе го одиграат во СРЦ 25-ти Мај во Радовиш со екипата на ППК „Кочани“ е од ревијален карактер.