ПРЕТСЕДАТЕЛОТ ЃОРЃЕ ИВАНОВ ВО ПОСЕТА НА РАДОВИШ

Претседателот на Република Македонија Ѓорѓе Иванов денеска по повод големиот муслимански празник Рамазан Бајрам беше во посета на џамијата „Јени Џами“, во Радовиш, придружуван од Градоначалникот на Општина Радовиш Сашко Николов, Пратеничката Нада Ципушева, членови на Советот и други граѓани.

Претседателот Иванов притоа на сите верници од исламска веросиповед им го честиташе големиот празник Рамазан Бајрам, посакувајки им многу радост, здравје, и успех во животот.

 

 

Во прошетката низ Радовиш, Претседателот Иванов исто така го посети и Храмот Св. Троица во Радовиш.