РАДОВИШАНИ МАСОВНО ПОМАГАА ВО СТАЈКОВЦИ

Преку 70 лица од Радовиш денес помагаа во расчистувањето на последиците од невремето во с. Стајковце во Скопје. Покрај вработените до ТППЕ Радовиш, ЈП Плаваја, Македонски шуми и  вработени во општината, на повикот се вклучија и голем број на наши сограѓани, особено забележително беше присуството на членови на Здружението „Бедем“.

Радовишани се упатија во Скопје каде што во координација со кризниот штаб учествуваа и помогнаа во расчистување на куќите и дворните површини на повеќе смејства кој беа погодени од поплавата и работеа на расчистување на поплавените куќи и дворови зафатени од невремето.

Општина Радовиш и во наредниот период максимално ќе дава допринос, се до целосно санирање на штетите во погодените населени места во скопскиот регион.

Голема благодарност до компаниите кои ја помогнаа денешната акција и тоа: Детоните, Лукас трејд и Маком треф.