РАДОВИШ ГО ПРОСЛАВУВА ДЕНОТ НА ПАТРОНОТ И ЗАШТИТНИК НА ГРАДОТ – СВ. СПАСО РАДОВИШКИ
Дата
August 21, 2018
Категорија
Вести, КултураГрадот Радовиш го прославува денот на патронот и заштитникот на градот Св. Спасо Радовиш, Програмата за чествувањето на празникот Св. Спасо Радовишки се одвиваше во изминатите три дена.
Вчера се одржа “Вечерна богослужба” во Храмот Св. Троца, на која чиноначалствуваше, Неговото високопреосвештенство Митрополитот Брегалнички г. Иларион, потоа од Храмот Св. Тројца се продолжи со “Литија” низ градот до Плоштадот Св. Спасо Радовишки, каде пред параклисот на Св. Спасо Радовишки се одржа “Моледбен”. Потоа беше одржана “Духовната академија” пред Храмот Св. Тројца во Радовиш, на која присуствуваа голем број на гости.
Денеска во Храмот Св. Тројца во Радовиш се продолжува со “Утринска Богослужба” на која ќе чиноначалствува, Неговото високопреосвештенство Митрополитот Брегалнички г. Иларион, а подоцна се продолжува со “Свечен ручек” во Манастирскиот комплекс “Св. Ѓеорги” во Ораовица.